اليوم و أنا أرتب مستنداتي لقيت شغل لي من سنه تقريباً

بصراحه ما كان عاجبني و لا كنت ناويه اعرضه و اصلن سويته كذا بس فضفضه !

بس لما شفته اليوم حسيته جد رايق وخليته خلفيه للديسك توب

طبعا له سالفه ..

السنه اللي فاتت توفت وحده من صديقات الطفوله مع اني اخر مرا شفتها  قبل سنه من وفاتها !

لكن جد جد تأثرت يوم توفت ,,

الله يرحمها و يغفر لها و يعوضها عن شبابها بخير (F)

و هذا التصميم

الصورا المستخدمه صورا وحده بس

لكم (F)

كيفكوووم ؟

من زمان ما دونت بالشسمه

المهم نبدا بالهذا على طول

اليوم من قمه الطفش والزهق و الملل اللامتناهي قلت خليني اطلع حرتي

طبعا انا عادتي اذا مسكت قلم و ورقه اشخمط كما ستشاهدون بعد قليل

على قوله اختي – نفسيه –

المهم هاذي العادة من يوم اني بالثانوي و انا ارسم بالحصص

على قوله استاذة الأحياء الله يذكرها بالخير منمنمات خخخخ

بصراحه انا مدري شسم هالشي و لا قد شفت احد مسوي زيه فما اذا دري يجي نسميه منمنمات و الا لأ خخخخ

اخليكم مع الأشيائات القديما

<< طبعا ام تميم انا 

- اهم شي الحوسا >< -

وهاذي اليوم سويتها

طبعا سويتها عشان مشتهيه العين خخخخ

و كنت بسوي عبداللطيف لأن هالأسم يعجبني فقط ليس إلا

لكن قلت بلا شسمه يلا بس سوي اسم اخوك و سويت عبدالمحسن الأسم الجميل برضوا

وهاذي حوستي و شغلي

طبعا المكان مو مرتب لأني نويت اسوي كولاج ونفشت قشي بعدين ما لقيت صمغ الشسمه فلا تعليق

وشيكككرا

هالمقطع خطييير مت عليه من الضحك

أهم شي وسط الرياض تقريبا ,, كلش مالها سنع الـ تقريباُ ..

و الا البنقالي قرررررررررررر بئدين هوا وره هنا روه فوق بئدين واهد نفر هنا موت واهد نفر هنا موت واهد نفر ورا موت

تلاته نفر هنا في موت انا في شوف

<< يا عميري انت بس

و الا الثاني ,,

انا في اقرا جريدة وبئدين ورا في موشكله ..

أنا في أمشي بس كلاص ..و بئدين أنا ما في شوف أي شي موشكله  ..

<< طيب ليش مقابلينه دايمه ما شاف أي شي موشكله ,, يعني انه شاهد عيان الحين . .

بس أنا مو محزني الا أن الأطفال لم يتمكنوا من أكمال لعبهم في الكرة تلك الليلة ..

مسسسسخرة  هالتقرير !!

pictures still speak the most universally understood language .

W A L T D I S N E Y

- من تصويري -

صلالة *

2008 كنت منتازة فية و أخذت مراكز أولى بكذا مسابقة ~

شكككراً لكل الناس اللس شجعوني و ساعدوني }

هاجر / مروى / ميرو / سوير / أعضاء أنشادكم / شلة الجميع يتحدثو لا أحد يسمع || شكككراً

وشكراً لي

آخر الأسنان الطبيعية التى بالفم .

ويظهر عادة بين سن الثامنة عشرة والخامسة والعشرين ،

وهى فترة النضج العقلى والفكر المتزن ، ومن هنا جاء اسم ضرس العقل ..

^

^

ركزوا على الفكر المتزن بس !

طبعا مسكت معي أكتب هالبوست من قو الألم اللي اعانيه

مع اني مدروخه و فيني نوووم و امس حاضرة زواج و حالتي كسيفه

المهم ..

يقول لك أنو في يوم من الأيام كانت أسناني دمااار و حطيت تقويم و فكيته و صارت زي الفل ,,

لكن اللي حصل انو أسنان العقل الله يقلع ابليسها طلعت و حاست من جديد

و طبعا يوم رحت لدكتورة التقويم هزأتني تهزييييئ بغيت أصيح قسم بالله !

طيب يا المنيب قايله أنا خربته و بعدل بفلوسي خير الهواش !

و بعدين طلعت اسنان العقل يعني شسوي بعمري أنا الضعيفة مو مشتهية شسمه !

المهممم أني ركبت تقويمن ثاني و رحت بخلع سنونات العقل

و يوم رحت ,,

الاهم 4 أسنان 2 فوق و 2 تحت << لا يا شيخه !

المهم انو اللي فوق الله يسعدهم و يفتح عليهم طالعين تمام التمام و يبغى لهم خلع عادي و اللي تحت لأ ..

فخلعت اللي فوق بيوم واحد كل واحد أبرة بنج وحدة و رجعت البيت و تغديت و أموري ماشية

بعد أسبوع أرتفعت حرارتي مدري جتني انفلونزا << للحين ما أميز خخخ

المهم أنو قالت الدكتورة ما ينفع شسمه لأن بيجيك تسمم بالدم !

قلت خلاص بلاش أعملها اليوم ..

و بعد ما طبت الحمدلله رحت للشسمها و قالت لازم أسوي أشعة عشان أشوف أنا أقدر أشيلة و إلا عملية

قلت طيب ..

و سويت الأشعة و طلع الأخ منسدح ..

يعني الأسنان كلها واقفة جنب بعض و هذا الله يستر علية منسدح ومشبك رجلينه برجلين السن اللي واقف جنبة !

المهم عطتني أبرتين بنج وحدة بخدي و الثانية باللثة و قطعت الشسمة بالمشرط و دخلت شي يروووع و قامت تحرث السن ..

طبعاً أنا ما حسيت بألم بس أسمع فقاعات الدم تقول جق جق جق .. قلبي عورني قسم بالله !

المهم برضوا رجعت البيت و تعشيت ذاك اليوم و من بكرة غدا الشر الحمدلله ..

بسسس أحس تعبت وقتها مرررة تعبت

و أمي الله يهديها تحسب السالفة لعبة كل أسبوع تقول يلا نشيل الباقي !

قلت يمة حرام عليك أرحميني أحد يولد أسبوعين ورا بعض و الله ما يصير !

<< ينقالي مجربة الولادة ألحين

المهمممم ..

بعد فترة من الزمن , 3 أسابيع تقريباً ..

رحت أخلع الأخير ..

و سوت أشعة الاهو واقف الله يسلمة مع ربعة و أنا شفتة حليو و قلت يلا الحمدلله شكل السالفة بسيطة !

و بنجتني ابرتين زي ذاك و جابت المشرط و تشرط و تشرط و أنا أسمع وج وج وج بس ماش ما قطع !

و تجيب مشرط ثاني و تشرط تشرط ما شرط !

طبعاً نسيت أقول لكم هالسن كيف طالع !

طالع هناك آآآخر الفك بالتقاطع اللي بين الفكين و الخد واللسان !

و الدكتورة طبعاً شرطت لساني و خدي و تبهذلت من بعدة الله يهدية ..

المهم أنها آخر شي جابت سكييين و تششششط إلاهو منقطع

و تجيب ذاك الشي اللي يسحبون فيه السن و تسحب تسحب ما يطلع !!!

ياولد الحلال يا الطيب أطلع !

مااااش راكب راسة .. وهي خايفة تتعامل معاه بعنف ينكسر جوا الشسمة عاد وش يطلعه !

فصارت تتعامل معاة بعنف وحنية كود يطلع بس نناااشب ..

و طبعاً أنا ما جلست أصيح أبدن .. و لا قلت لها خلاص رجعية ما عاد أبغى أشيلة !

المهم أنها مصعت فكي ذاك اليوم و أقول لها خلالالاص يعور حرام عليك !

وهي بتصيح معاي الضعيفة لأنه نااااشب و مكانه عميق يعني مو مساعد

المهم عطتني أبرة ثانية و حالة و تسحيب و ألممم و صياح ..

وأمي جت عندي و ماسكة يد أمي و يد النيرس و حالتي حالة !

بالأخير طلع الأخ !

و الدكتورة تقول لي شوفية شوفية و أنا أقول لها مابي أكرهه الحقير << حاقدة علية

المهم عاد أنا أم دميعة يوم جيت بطلع قالت الحمدلله على سلامتك يلا عقبال ما تجيبين لي بنتك ..

وتخنقنيي العبرة !!!

انقهر منيييي !

المهم أني أنا محتارة الحين شلون أنتقم من السن أفرمة بدريل و إلا أحرقة و إلا شسوي  بالضبط !!!

عطونا آرائكم ..

و يلا أنا بروح أخمد وراي شسمة ..

و أستروا ما واجهتوا و الله مدري وش كتبت من الدوخان

ودمتم سالمين

السلالالام عليكم و رحمه الله

اول مرة اكتب تدوينه صدق صدق انا كاتبتها هع

و الله من الحرة اللي فيني على حالتنا الكسيفه بالجامعه

طبعا النظام احنا لازم نمشي عليه لكن ما يمشي علينا

يعني مثللللن

كل صبحيه اكتب مليونين مخالفه اما ع التنورة القصيرة او الكم القصير او اللاب توب او او او ……الخ

لكن ,, فالمقابل القانون يقول : للطالبه تتأخر 15 دقيقه وبعدها يحسب تأخير ,,

لكن النظام اللي يمشونه علينا انو من تبدأ المحاضرة خلاص محد يدخل و غياب !!

وفي بعععض الأحيان الله يهدي الدكتورة و تحط لك تأخير ..

طيب يا بنت الحلال النظام يقول ما فيه شي اسمه حضرتي و تنحطين غياب

والتأخير يحسب بعد الدقيقه الـ 15 يعني خير خير ان شاء الله تحطين تأخير من الدقيقة الأولى

مثل ذاك اليوم كان عندنا محاضرة سلم الساعة 10 : 10

و الأسبوع اللي قبله كانت الأستاذة غايبه !

و لأننا جينا 10 : 15 حطتنا غياب بالأسبوع اللي قبله !!

يا #### انتي اللي غاااايبه

يعني وش نفسيتك على هالحركه حتى تأخير ما حطت لاااا غياااب .. وغياب باليوم اللي هي غايبه فيه !

هذا وهي أستاذة سلم ..

يعني وين الخوف من الله و الضمير !!

هذا غير الجدول المليح بالله فيه احددد بالعالم و الكون يآخذ 25 ساعه !!!

خير يا عمي خييير وين حنا فيه

طبعاااا هذا غير المبنى الـ #### اللي ندرس فيه ..

الله يرضى بالله !!

الله يرضى احنا بنات حمايل ندرس بمبنى مثل هذا !!!

يعني مثلللن ,, التصريف زفت زفت زفت

و لما يجي المطر يتأزم الشعب من سوء التصريف اللي نعيشه !

كالموضح في الصورة ..

يعني فيه بوابه مكانها تحت الأرض .. يعني انزل من الأرض .. يعني فيه درج بعدين مبنى ومن هناك في بوابه

المهم مدري شلون اشرح بس يعني ينزل كل ابو المويه هنااك

وتغررررق اللوكرات و البنات ما يقدرون يوصلون للوكراتهم من المويه

و عباياتهم هناك و تفزع وحدة و تفصخ شوزاتها و تطب بالمويه خخخ

و اززززمه

طبعا من بجاحه الجهات المسؤله << جهات مسؤله وش الطاري على هالكلمة ! انهم بنوا كليات لنا ..

بمبنى الجامعا ( مخرج 9 )

وفتحوا اقسام جديدة سكنوهم هناك ..

يا ربييييه ما عندكم امكانيات ليششش تفتحون شسمه يا عمي

آآآه بس قسم بالله ودي اشق هدووومي

ناهيك عن بعض الدكتورات اللي مدري مدري بأي حق عطوهم الدكتوراة ..

يعني غباء فاحش و سماجه مستعصية و تحس بعقولهم فتق ومعهم دكتوراة ..!!!!

ابي افهم شلووون !!

الله بس يآجرنا ,, وتفرج قريب !

و على طاري الشخصيات << جب

هذا الموقع منتاز مع اني للوهله الأولى حسيت ما عندهم ما عند جدتي

بس غيرت نظرتي بعد ما شفت النتيجه ,, اللي تكاد تكون مطابقه للواقع الصدقي

شخصيتكـ الستاربكسية

حطوا تاريخ ميلادكم بالأجنبي وشوفوا شخصياتكم و للملاقيف ميلادي كان بـ

25 – january

و شكراً

أرسـلـت أسمــاءُ: إنـا قـد تبـدلنــا سواكـا

بــدلاً، فـ استغنِ عنـا بـدلاً، يغنـي غنـاكــا

لــن ترى أسمـاءَ، حتى تبْلُغَ النَّجْـمَ يَـداكا

فـ جْـتَنِبْنـي وأَطيـعَنْ ناصِــحَ الجَيْـبِ نَهَاكـا

إنَّ في الدَّارِ رِجالاً كلهمْ يهوى رداكا

لا تلمني واجتنبنــي، أنتَ ما سديتَ ذاكا

عمر بن أبي ربيعه (a)

مطرٌ .. مطرْ..

نايُ الحبيبِ قصيدةٌ

تصطفُ في بابِ الشجرْ

كحلتُ بالضوءِ الندى

فانشقَ عن وجهِ القمرْ

قمرٌ .. مطرْ ..

مطرٌ .. قمرْ ..

اللهمـ صيباً نافعاً ,,

دعواتكمـ ..

جـُـمـعــًة مبـــآركـــّـة

سورة الكهف *

(F)

أيليا أبو ماضي (a)

همّ ألم به مع الظلماء فنأى بمقلته عن الاغفاء

نفس أقام الحزن بين ضلوعه والحزن نار غير ذات ضياء

يرعى نجوم الليل ليس به هوى ويخاله كلفا بهنّ الرائي

في قلبه نار (الخليل) وانما في وجنتيه أدمع (الخنساء)

قد عضة اليأس الشديد بنابه في نفسه والجوع في الاحشاء

يبكي بكاء الطفل فارق أمه ما حيلة المحزون غير بكاء!

فأقام حلس الدار وهو كأنه -لخلو تلك الدار_ في بيداء

حيران لا يدري أيقتل نفسه عمدا فيخلص من أذى الدنياء

أم يستمر على الغضاضة والقذى والعيش لا يحلو مع الضراء

طرد الكرى وأقام يشكو ليله يا ليل طلت وطال فيك عنائي

يا ليل قد أغريت جسمي بالضنا حتى ليؤلم فقده أعضائي

ورميتني يا ليل بالهم الذي يفري الحشا، والهم أعسر داء

يا ليل مالك لا ترق لحالتي أتراك والأيام من أعدائي؟

يا ليل حسبي ما لقيت من الشقا رحماك لست بصخرة صماء

بن يا ظلام عن العيون فربّما طلع الصباح وكان فيه عزائي

وارحمتا للبائسين فانهم موتى وتحسبهم من الاحياء

إني وجدت حظوظهم مسودّة فكأنما قدت من الظلماء

ابدأ يسر الزمان ومالهم حظ كغيرهم من السرّاء

ما في أكفهم من الدنيا سوى ان يكثروا الأحلام بالنعماء

تدنو بهم آمالهم نحو الهنا هيهات يدنو بالخيال النائي

ابطر الأنام من السرور وعندهم ان السرور مرادف العنقاء

إني لاحزن ان تكون نفوسهم غرض الخطوب وعرضة الارزاء

أنا ما وقفت لكي اشبب بالطلا مالي وللتشبب بالصهباء؟

لا تسألوني المدح أو وصف الدمى إني نبذت سفاسف الشعراء

باعوا لأجل المال ماء حيائهم مدحا وبت أصون ماء حيائي

لم يفهموا ما الشعر؛ إلا انه قد بات واسطة إلى الاثراء

فلذاك ما لاقيت غير مشبب بالغانيات وطالب لعطاء

ضاقت به الدنيا الرحيبة فانثنى بالشعر يستجدي بني حواء

شقي القريض بهم وما سعدوا به لولاهم اضحى من السعداء

نادوا علينا بالمحبة والهوى وصدورهم طبعت على البغضاء

ألفوا الرياء فصار من عادتهم لعن المهيمن شخص كل مرائي

إن يغضبوا مما أقول فطالما كره الأديب جماعة الغوغاء

أو ينكروا أدبي فلا تتعجبوا فالرمد طلوع ذكاء

أو كلما نصر الحقيقة فاضل قامت عليه قيامة السفهاء

أنا ما وقفت اليوم فيكم موقفي إلا لأنذب حالة التعساء

عليّ احرّك بالقريض قلوبكم ان القلوب مواطن الاهواء

لهفي على المحتاج بين ربوعكم يمسي و يصبح وهو قيد شقاء

امسى سواء ليله وصباحه شتان بين الصبح والامساء

قطع القنوط عليه خيط رجائه والمرء لا يحيا بغير رجاء

لهفي! ولو أجدى التعيس تلهفي لسفكت دمعي عنده ودمائي

قل للغني المستعز بماله مهلا لقد اسرفت في الخيلاء

جبل الفقير أخوك من طين ومن ماء، ومن طين جبلت وماء

فمن القساوة ان تكون منعما ويكون رهن مصائب وبلاء

وتظل ترفل بالحرير أمامه في حين قد امسى بغير كساء

اتضن بالدينار في اسعافه وتجود بالآلاف في الفحشاء

انصر أخاك فان فعلت كفيته ذلّ السؤال ومنة البخلاء

أذوي اليسار وما اليسار بنافع إن لم يكن أهلوه أهل سخاء

كم ذا الجحود ومالكم رهن البلا وبم الغرور وكلكم لفناء؟

ان الضعيف بحاجة لنضاركم لا تقعدوا عن نصرة الضعفاء

انا لا اذكّر منكم أهل الندى ليس الصحيح بحاجة لدواء

ان كانت الفقراء لا تجزيكم فاللّه يجزيكم عن الفقراء

قصة ..

يقول : ستيفن ر.كوفي

كنت في صباح يوم أحد الايام  في قطار الأنفاق بمدينة نيويورك

وكان الركاب جالسين في سكينة بعضهم يقرأ الصحف وبعضهم مستغرق بالتفكير

وآخرون في حالة استرخاء, كان الجو ساكناً مفعماً بالهدوء !!

فجأة … صعد رجل بصحبة أطفاله

الذين سرعان ما ملأ ضجيجهم وهرجهم عربة القطار …

جلس الرجل إلى جانبي وأغلق عينيه غافلاً عن الموقف كله ..

كان الأطفال يتبادلون الصياح ويتقاذفون بالأشياء ,,,

بل ويجذبون الصحف من الركاب وكان الأمر مثيراًً للإزعاج ..

ورغم ذلك استمر الرجل في جلسته إلى جواري

دون أن يحرك ساكناً ..!!؟؟

لم أكن أصدق أن يكون على هذا القدر من التبلد ..

والسماح لأبنائه بالركض هكذا دون أن يفعل شيئاً ..!؟

يقول (كوفي) بعد أن نفد صبره ..

التفت إلى الرجل قائلاً : .. إن أطفالك ياسيدي يسببون إزعاجا للكثير من الناس ..

وإني لأعجب إن لم تستطع أن تكبح جماحهم أكثر من ذلك ..!!؟

انك عديم الاحساس .

فتح الرجل عينيه ..

كما لو كان يعي الموقف للمرة الأولى وقال بلطف :

.. نعم إنك على حق ..يبدو انه يتعين علي أن أفعل شيئاً إزاء هذا الأمر .. لقد قدمنا لتونا من المستشفى …..

حيث لفظت والدتهم أنفاسها الأخيرة منذ ساعة واحدة .. إنني عاجز عن التفكير ..

وأظن أنهم لايدرون كيف يواجهون الموقف أيضاًً ..!!

يقول ( كوفي ) .. تخيلوا شعوري آنئذ ؟؟

فجأة امتلأ قلبي بآلام الرجل وتدفقت مشاعر التعاطف والتراحم دون قيود ..

قلت له : هل ماتت زوجتك للتو؟

… أنني آسف …. هل يمكنني المساعدة …؟؟

لـــــــــقد … تغيـــــــــــــــــر كل شيء في لحـــــــــــــــــظة !!

انتهت القصة … ولكن…

ما انتهت المشاعر المرتبطه بهالموقف في نفوسنا …

نعم …كم ظلمنا أنفسنا حين ظلمنا غيرنا .. في الحكم السريع المبني على سوء فهم ..

وبدون حتى أن نبحث عن الأسباب اللي أدت إلى تصرف غير متوقع من إنسان قريب أو بعيد في حياتنا ..

وسبحان الله .. يوم تنكشف الأسباب .. وتتضح الرؤية ..

نعرف أن الحكم الغيبي الغير عادل .. الذي أصدرناه بلحظة غضب , كان مؤلم عالنفس ..

ويتطلب منا شجاعة للاعتذار والعودة إلى الله

.. والتوبة عن سوء الظن ..

ايها الاعزاء

هذي القصة .. تذكرنا بحوادث كثيرة في حياتنا ..

كنا في أحيان ظالمين وفي أحيان مظلومين ..

ولكن المهم في الأمر .. إن لانتسرع في اصدار الأحكام على الغير .

و نعتذر عندما …

ويوم يقع علينا الظلم .. نغفر

وهذة هي الشجاعة .. وحسن الخلق .. مع من حولنا من الناس .

يقول الإمام الشافعي رحمه الله:

سامح صديقك إن زلت به قدم فليس يسلم إنسان من الزلل

ويقول أيضاً :

لما عفوت ولم أحقد على أحد أرحت نفسي من هم العداوات

من بريدي بتصرف ^^

الصورة لـ dezyano